فذلك النوع من التربية فيه سمٌّ قاتل !
? دخل على والدته مقهورًا ..
– ماما .. صاحبي ضربني ..
– انت السبب ، شوف غلطت في ايه خلاه يعمل فيك كده !
النتيجة = رجل بالغ .. يعاني من جَلد الذات !
? أب يعاقب ابنه :
– طيب ، انت محروم من اللعب
– انا عملت ايه !
– مش عارف انت عملت ايه ؟! خليك بقا من غير لعب لغاية ما تعرف ..!
النتيجة = رجل بالغ .. مصاب بفرط التفكير (overthinking)
? طفل يشعر بالحزن ..
– مالك يا حبيبي
– زعلان
– طب خد كل الشوكولاتة دي وما تزعلش
النتيجة = رجل بالغ .. مصاب بالشراهة المصاحبة لمشاعر الحزن ..
? طفل يرتمي في حضن أمه باكيًا بحرقة :
– مالك يا حبيبي !؟؟
– إتخبطّ في الترابيزة ..
– كده يا تربيزة يا وحشة ؟ ليه تخبطي أحمد ! أوعي تعملي كده تاني !
خلاص يا حبيبي ضربتها ..!
النتيجة = رجل بالغ .. يمارس الإسقاط ، دائم إلقاء اللوم على الآخرين ، ويتبنى دور الضحية ..
? طفل جرِحَ رغم رفقة أخيه الأكبر له ..
– انت كنت فين لما أخوك اتجرح؟؟ مش تاخد بالك !!
– كنت بلعب !
– أنت إنسان مهمل ، لو كان جراله حاجة كنت موتّك !!
النتيجة = رجل بالغ .. فاقد الثقة بقدراته ..
? طفل معترض على أداء الواجب ..
– طب لو عملت الواجب هاجيبلك هدية !
النتيجة = رجل بالغ .. مادي ، أو أنَوِي ..
? طفل يتعرض للتنمر من زملائه ويشتكي لوالده ، فيكون رده :
– معلش.
النتيجة = رجل بالغ .. انطوائي أو مصاب برهاب اجتماعي ..
? أم تشجع ابنها على السلوك الجيد ..
– خليك مؤدب عشان أحبك !
النتيجة = رجل بالغ .. يتخلى عن مبادئه مقابل أن يجد قبولًا من المجتمع ..
? أب صارم :
– مافيش نفس تتنفسه بدون إذني وإلا هتتعاقب ..
النتيجة = رجل بالغ .. مُنقاد ..
Comments
0 comments
