موضوع عن جعل البشرة بيضاء

جعل البشرة بيضاء دائما
عدم شرب الميه بكميات كبيرة.

2. كثرة تناول الملح والسكر في الأكل.

3. عدم تنظيف البشرة كل يوم، والاستخدام الكثير للماكياج والنوم بيه علشان كده المفروض أي بنت تنظف بشرتها كل يوم من الماكياج ولو حصل ونامت بيه يبقى أول ما تصحى تغسل وشها بغسول زي صابون طبي وبعدين تمسح حوالين العين بقطنة فيها كريم مرطب.

4. النوم على مخدة مش نظيفة بيساعد على ظهور حبوب الشباب نتيجة لتراكم الجراثيم علشان كده بنصح أي بنت إنها تطلع الفرش كل يوم في الشمس.

5. كمان وضع إيدك على بشرتك بيساعد على ظهور الحبوب خاصة لو كانت إيدك مش نظيفة.

6. فيه نوع من الماكياج أو العطور بيسبب حساسية للبشرة وبيطلع حبوب علشان كده المفروض أي بنت تبعد عن الأنواع الرخيصة في أدوات الماكياج وتستخدم الأنواع الجيدة المعروفة.

7. التدخين من ضمن الأسباب اللي بتسبب ظهور التجاعيد مبكرا والحبوب.

8. التعرض المباشر لأشعة الشمس لفترات طويلة بيسبب ظهور البقع السوداء والحبوب.

وعلشان كده بنلاقي إن تنظيف البشرة يوميا شيء مهم وضروري جدا…
وعلى فكرة كل بشرة ليها طريقة محددة في التنظيف والعناية بتختلف عن البشرة التانية وبصفة عامة تنقسم البشرة إلى الأنواع التالية:

إقرأ أيضا:أهمية علم الاجتماع

أولا: البشرة العادية

هي أي بشرة لا دهنية ولا جافة ولا مختلطة بشرة طبيعية لينة ناعمة قد تكون متحسسة ولكن بشكل بسيط جدا ونادر ..وتمتاز يتوازن افراز الدهون لابد من ترطيبها بكريمات مناسبة .. تزداد جفافا مع تقدم السن

لو كانت بشرتك عادية فأنت محظوظة أوي وده لأن البشرة العادية بنسبة 100% دي نعمة من عند ربنا ولازم تحافظي عليها…
إزاي تتعرفي عليها؟!
تقدري تعرفي إذا كانت بشرتك عادية أم لا من خلال مظهرها العام وده لأن البشرة العادية دايما بتكون ناعمة نقية ليس بها أي شوائب أو حبوب أو جفاف ولا بقع في الجلد وكمان ليس بها أي مسام دهنية ظاهرة…
كيف تعتني بها؟!
صباحا ومساءً

لازم البنت تهتم ببشرتها وتنظفها بنفسها كل يوم كويس وده لأن البشرة العادية بتميل للجفاف عند التقدم في السن، كمان ممكن يسبب الإهمال وعدم الاهتمام بالبشرة ظهور التجاعيد المبكرة عند سن 30 أو 40 سنة، وممكن يصيب البشرة بقع حوالين العين والفم والذقن بسبب عوامل الجو زي البرد والحر…علشان كده دايما بنصح البنت اللي بشرتها عادية إنها تهتم بيها وتنظفها يوميا لأن تنظيف البشرة له دور أساسي في مكافحة ظهور التجاعيد مبكرا، وكمان الكريمات المرطبة بتساعد على تأخر الشيخوخة…
ويا ريت كمان البنت ماتنساش تنظف رقبتها باستمرار لأنها أول حاجة بتظهر فيها الشيخوخة… وعلى فكرة أفضل حاجة للبشرة العادية إنك تنظفيها مرة في الصبح ومرة بالليل…

إقرأ أيضا:تعريف علم نفس النمو

في الصباح…..

بتغسليها بغسول زي مثلا “مزيل الماكياج” بتجيبي قطعة قطن مبلولة مية وبعد ما تعصريها تحطيها في الغسول وبعدين تمرريها على وجهك، وممكن تستخدمي بخاخة أو رشاشة ترشي بيها وجهك وده بيكون زي غسول بينعش البشرة كل يوم…..بعد كده بتحطي كريم النهار المخصص للبشرة العادية ولازم يكون درجة حمايته من الشمس من ( SPF15:10 ) ويكون مكتوب على العلبة صلاحيته لكل أنواع البشرة.

في المساء….

بتعملي نفس الطريقة بس بتستخدمي “مزيل الماكياج الكريمي” شوية وممكن تستخدمي مزيل ماكياج ماركة “نيفيا” أو أي ماركة تانية أنت بتحبيها وبعد كده بتحطي كريمات مغذية للبشرة يكون فيها فيتامينات… ولو كنت قبل سن الثلاثين ممكن تحطي تحت العين “السيرم” بتاع التجاعيد 3مرات في اليوم، لكن لو كنت فوق الثلاثين يبقى ممكن تحطيه حوالين الرقبة وتدهنيه عى الوش كله كل يوم.

كمان لازم البنت اللي بشرتها عادية تعمل زيارة مرة كل شهر لأي مركز من مراكز التجميل المتخصصة علشان تعمل ماسكات حوالين العين والرقبة تكون مناسبة للبشرة العادية زي ماسك “الكولاجين” وماسك “الطين” وتعمل كمان تدليك للبشرة لأن ده بيساعد على زيادة عمر الجلد.

ثانيا: البشرة الدهنية

من اسمها دهنية الملمس لامعة بفعل الدهن
تكون أكثر شبابا عن غيرها لأطول مدة ممكنة و مساماتها
واسعة لذا تكثر بها البثور و الرؤوس السوداء

إقرأ أيضا:تفسير الحلم

من أهم سمات البشرة الدهنية أن التجاعيد مش بتظهر فيها مبكرا ..
كيف تتعرفي عليها؟!
هتقدري تتعرفي عليها من خلال مظهرها العام فلو بصيتي في المرايا هتلاقيها بتلمع، وممكن تلاقي فيها شوائب بعد 3أو4 دقايق من التنظيف… وكمان ممكن تلاقي دهون على الجبين والذقن والأنف “منطقة التيزون”، بالإضافة إلى أن المسام المفتوحة بتبقى في الأنف وكمان في الخد…. كمان البشرة الدهنية بتتميز بظهور حبوب على الخد والذقن والجبين بشكل مفاجئ…
وفيه اختبار ممكن أي بنت وهي قاعدة في البيت تعمله علشان تعرف إذا كانت بشرتها دهنية أم لا وهي إنها تجيب كلينكس “منديل ورق” وتحطه على بشرتها لمدة خمس دقائق لو لقت إن المنديل فيه زي بقع دهنية يبقى كده هي بشرتها دهنية.
مشاكل البشرة الدهنية.. كل مشكلة وليها حل!!

البنت اللي بشرتها دهنية بتعاني من مشاكل كتير أوي زي مثلا مشكلة البقع اللي بتظهر حوالين الخد والشفايف وأحيانا بتظهر حبوب على الظهر والكتف والخدود…كمان بتظهر مساحات جافة على الخدين بسبب نقص عامل الترطيب الطبيعي في البشرة ومشاكل تانية كتير زي مثلا…

مشكلة لمعان الماكياج

صاحبة البشرة الدهنية دايما بتعاني إن ماكياجها على طول بتظهر فيه لمعة بعد نص ساعة من وضع الماكياج وده بيحصل لأنها بتستخدم ماكياج فيه نسبة عالية من الدهون وبالتالي بيزود الدهون في البشرة ويخليها بتلمع أوي علشان كده ياريت البنت اللي بشرتها دهنية ماتحطش ماكياج كتير لأنه بيزود الدهون على البشرة أو تختار ماكياج خالي من الدهون.

مشكلة ظهور حب الشباب

ودي مشكلة بتعاني منها بنات كتير أوي وعلاجها بيكون عند دكتور جلدية متخصص علشان يشوف الحبوب دي ويحدد نوعها ويحدد العلاج المناسب وعلى فكرة حب الشباب بيظهر نتيجة حدوث التهاب في الغدد اللي تحت الجلد..

ظهور حبوب صغيرة بيضاء

أحيانا بتظهر حبوب صغيرة بيضاء ودي تقدر إنها تتخلص منها باستخدام الإبر الخاصة بالأنسولين ودي بتتعمل عند دكتور جلدية متخصص أو خبيرة تجميل وما تحاولش تلعب فيها نهائي.

إخفاء الحبوب

من ضمن المشاكل اللي بتعاني منها البنت اللي بشرتها دهنية هي مشكلة ظهور حباية أو اتنين بشكل مفاجئ في الوجه دي ممكن تداريها باستخدام “كريم أساس بسيط” أو “بان ستيك” من ماركة “كيولان” أو “برجوا” أو”نيفيا”… وممكن تستخدم الدرجة اللي بتفضلها على مكان الحباية فقط، ده في حالة لو كانت مستعجلة ورايحة مشوار وعايزة تداري الحباية..

المسام المفتوحة

بالنسبة لمشكلة المسام المفتوحة فدي علاجها إنها تغسل وشها بالميه الساقعة جدا وتبعد نهائي عن الميه السخنة….
وممكن كمان تمسح وشها بقطعة ثلج موضوعة في ورق كلينكس وتمررها على وشها وعلى فكرة الحركة دي بتقفل المسام خاصة في منطقة الذقن والأنف…كمان ممكن تفرك وشها بقطنة فيها “تونيك” وده لأن “التونيك” بيساعد على قفل المسام…
وده كمان ماسك قابض ممكن تعمله وهو عبارة عن (ملعقتين نشا + ملعقة مية ورد ساقعة) تخلطهم مع بعض وتحطهم على بشرتها لمدة 10 دقايق وبعدين تشطف وشها بالميه الساقعة. وده بيساعد على قفل المسام المفتوحة..

كيف تعتني بها في البيت؟!
صباحا ومساءً

أحسن طريقة للعناية بالبشرة الدهنية…

في الصباح….

غسيل البشرة بالميه والصابون وده لأن مفيش أحسن من الميه والصابون للبشرة الدهنية وعلى فكرة الصابون بيقوم بمثابة علاج للبشرة الدهنية لأنه بيخلصها من الدهون وبيخلي ملمسها عادي… وغير مستحب للبشرة الدهنية استخدام كريم الصباح خاصة لو كانت البشرة دي فيها حبوب ويا ريت البنت في الوقت ده تحط بدل منه الغسول أو تكتفي بالميه والصابون, ولو ماكانش فيه حبوب ممكن تستخدم الكريمات الخالية من الدهون….

في المساء…

برضه أحسن حاجة هي غسيل البشرة بالصابون والميه ولو كانت البنت صاحبة البشرة الدهنية بتعاني من وجود حبوب يبقى من الأفضل عدم وضع كريم بالليل علشان الكريم بيساعد على زيادة الحبوب وتستعيض عن الكريم ده بالأدوية المطهرة اللي بيقول عليها الدكتور أو الصيدلي لتطهير الحبوب والدهون.
وبصفة عامة البنت اللي بشرتها دهينة لازم تهتم كويس أوي بتنظيف الفرش والبدارات والإسفنجات الخاصة بالماكياج يوميا أو يوم بعد يوم بالميه والصابون وتسيبها تنشف لغاية تاني يوم.. وده علشان تحمي نفسها من ظهور الحبوب المفأجاة لأن فيه أوقات كتير أوي بيكون سبب ظهور الحبوب دي هو تلوث أدوات الماكياج.

ثالثا: البشرة الجافة

وهي البشرة التي تشعرين بانها مشدودة
و خشنة بعض الشيء و تحكينها من وقت لآخر مع ظهور قشور عليها والمسامات فيها تكون غير واضحة صغيرة جدا فهي لا تصاب بالبثور .. تظهر على هذه البشرة خطوط تقدم السن و التجاعيد أبكر من أي نوع بشرة أخرى مع
احمرار بالأنف لابد من استخدام كريمات للتنظيف والتغذية ..

رابعا:البشرة الحساسة

البشرة التي تتهيج من أقل شيء و يحمر لونها

خامسا:البشرة المختلطة

كثير منا يشعر بان في وجهه كذا نوع من أنواع البشرة ففي اماكن تكون البشرة جافة وفي الأخرى دهنية . وهي أكثر عرضة للتبقع حيث تتواجد بثور في منطقة لا توجد بأخرى و تجاعيد هنا ليست هناك .. محتاجه اهتمام كبير لمقاومة ظهور أعراض تقدم السن ويفضل استخدام الصابون المزيل للدهون.

وإليك هذه المجموعة من النصائح للعناية بالبشرة بصفة عامة

أولاً: تنظيف الوجه

لا تبالغي في العناية بجلدك ، ففي الحالات الطبيعية يشكل الجلد عضواً رائعاً يهتم بنفسه ، فيفرز الزيوت اللازمة لترطيب البشرة ، وينظف نفسه بنفسه . لذلك عندما تغسلين وجهك ، لا تفرطي بفركه ، فهدفك هو إزالة الوسخ الذي تراكم عليه في النهار اغسلي يديك دائما قبل أن تباشري بغسل وجهك ، واستعملي صابوناً لطيفاً غير معطر وامرغيه على وجهك ثم اشطفيه بالكثير من الماء . وبعد غسله بالماء ، استخدمي سائلا منعشا أو اغسليه بالماء بعد أن تضيفي إليه عصرة حامض . وإذا كانت بشرتك مائلة إلى الجفاف ، فاستعملي الصابون الدهني الذي يحتوي على اللانولين أو الجليسيرين لا تفرطي في غسل وجهك لأن الوجه يحتاج بعد غسله إلى نحو عشرين دقيقة إلى أربعين دقيقة ليستعيد توازنه من جديد . فلا تغسلي وجهك بإفراط . مرتان في اليوم كافيتان لتحافظي على وجه نظيف ومنتعش
إذا بقيت بعض بقايا الماكياج ، فاستعملي مستحضرا منظفا ولا تكثري من فرك جلدك ، وليكن السائل خفيفا ذا أساس مائي ليناسب استعماله حول العينين . اتركي السائل لحظات على وجهك ثم أزيليه بقطنة رطبة.

ثانياً: ترطيب البشرة

بعد تنظيف وجهك ، انتقلي إلى تغذية البشرة وترطيبها . تذكري أمراً واحداً في هذا المجال : إن الطريقة الوحيدة لتغذية بشرتك هي بالأكل . ومع أن لائحة البيض والعسل والفيتامينات والمعادن المكتوبة على علب مستحضرات التجميل قد تبدو مغرية ، غير أنه كي تستفيدي من هذه المواد المغذية ، عليك لا أن تدهنيها على وجهك بل أن تأكليها . لأن ما تدهنيه على بشرتك لا يعمل إلا على الطبقة الخارجية منها ، ولا يلج إلى داخلها
اختاري مراهم النهار والليل التي تتناسب مع بشرتك ، فإذا كانت بشرتك جافة ، فلتكن المراهم ذات أساس زيتي ، وإن كانت بشرتك زيتية ، فاختاري المراهم ذات الأساس المائي يمكنك أن تزيدي من فعالية مرطبات الوجه عندما تبللين جلدك قبل وضعها . ولا تستعملي أبدا مرطبات الجسم على وجهك.

ثالثاً: قشر الجلد

عندما تعتق الخلايا الميتة على وجهك تتحول إلى لون رمادي خامد ، وتتقشر وتسد المسام الدهنية ، مما يؤدي إلى بقع سطحية أو زيوان . لذلك يمكنك أن تسرعي عملية تقشر الخلايا الميتة بقشر جلدك أنت بنفسك بواسطة مرهم خاص ، كما يمكنك تركيب مرهم خاص لهذه الغاية : القليل من دقيق الشوفان مع قشرة مبروشة من الليمون أو البرتقال مع القليل من الماء تذكري أن هدفك ليس خلق جلد متهيج من كثرة الفرك ، بل جلد متناسق متورد ومتناغم . لذلك راعي طبيعة جلدك وأنت تفركينه ، وانتبهي للمناطق الحساسة.

رابعاً: تدليك البشرة

ابدئي بدهن وجهك بسائل مرطب خفيف إذا كان جلدك زيتيا أو كريما ليليا أغنى إذا كان جلدك جافاً باشري التدليك عند الترقوة ، مرري أصابعك على عنقك صعودا باتجاه الخارج حتى تصلي إلى أسفل الذقن ، ثم انقري على ذقنك وحول أنفك برؤوس أصابعك ، ودلكي وجنتيك بدحرجة قبضة يديك عليهما وكأنك تمسكين بكرة . ضعي إبهاميك تحت ذقنك وابدئي بتدليك زاويتي عينيك الداخليتين ، صعوداً إلى عظم الحاجبين ثم تحت العينين وعودي إلى الزاويتين ، ولكن ابقي بعيدة عن العينين قدر الإمكان دلكي منطقة الصدغين بتدوير أصابعك عليهما من دون أن تحركي الجلد ، اضربي قصبة الأنف صعودا إلى الجبين بضربات حازمة . تابعي التدليك حتى تشعري بوخز في جلدك ، وبالاسترخاء التام.

وإليك بعض الماسكات والأقنعة الطبيعية لبشرتك

بالنسبة للبشرة الجافة يناسبها أقنعة الموز و اللبن الزبادي والجريب فروت و الكمثرى

أما البشرة الدهنية فأقنعتها : الدقيق الأبيض + البيض / الكمثرى + الزبادي / الطماطم / النعناع + البقدونس

والبشرة الحساسة فيلائمها قناع الحليب والجزر

والبشرة المختلطة : قناع زيت اللوز و الكمثرى و البقدونس

و أخيرا البشرة العادية : ولها أقنعة الخضروات و البيض

للبشرة الجافة

Comments

0 comments